Две лица од Куклиш и Струмица уапсени – од куќа во Куклиш украден сеф со девизи, златен часовник во вредност од 45 илјади евра !

1554

На 22.12.2023 полициски службеници од Секторот за внатрешни работи Струмица ги лишиле од слобода Ж.М. (48) од село Куклиш, струмичко и Л.М. (46) од Струмица. Лицата се сомничат дека 12 часа претходно извршиле тешка кражба во куќа во селото Куклиш. Едното лице директно од куќата одзел метален сеф со пари, златен рачен часовник и други предмети, додека другото лице се сомничи дека му помагал да го прикрие украденото.

Ж.М. се сомничи дека на 21.12.2023 извршил тешка кражба во куќа во село Куклиш, струмичко, од која одзел метален сеф во кој имало пари, златен рачен часовник „Ролекс“ како и други предмети. Неофицијално дознаваме дека во металниот сеф имало  предмети и девизи во износ од околу 45 илјади евра.

При претрес на Ж.М. биле пронајдени дел од одземените пари, а во службениот разговор тој го признал делото, по што го посочил и местото каде го фрлил металниот сеф. Л.М. се сомничи дека му помогнал на Ж.М. да прикрие предмети кои ги одзел при кражбата, односно при претрес на дом и други простории сопственост на Л.М., извршен со судска наредба, во дворното место била пронајдена закопана тегла во која биле дел од украдените предмети.

Лицата се задржани во Полициската станица Струмица, за настанот е запознаен Јавен обвинител од Основното јавно обвинителство Струмица и по документирање на случајот против нив ќе биде поднесена соодветна пријава.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.