Неформалното граѓанско здружение ,,Црвена Младина’’ од Струмица кое е во постапка да се регистрира, заради уништувањето на шумскиот фонд и природните убавини и реткости, бара планината Беласица да биде прогласена за национален парк. Тие иницираа оналајн петиција за да ја анимираат јавноста дека конечно треба сериозно да се пристапи по ова прашање и планината Беласица со сиот свој потенцијал да биде адут за туризам и рекреација а не планина на која неконтролирано се врши сеча и се уништува биодиверзитетот.
,,Станува збор за планина која изобилува со многу богата флора и фауна. Паралелно поседува природни реткости и убавини кои се основ за развој на туризам. Но во последниов период неконтролирано се врши сеча како од дрвокрадци така и од надлежните и одговорни институции. Дневно по 5 до 10 камиони со сечени дрвја, се симнуваат од планината Беласица речиси над сите села од подгорот . Сметаме дека на тој начин се уништува ова планина. Беласица со сиот свој потенцијал може да биде основ за туризам и гордост на Југоисточниот регион со своите прородни богатства,, велат од Црвена Младина кои оналјн петицијата ја поставиле за да се види расположението кај струмичани дали сакаат Беласица да биде националн парк и да се крене гласот да добие статус на национален парк или заштитено подрачје, со цел да се зачуват сите нејзини убавини
Онлајн петицијата за прогласување на Беласица за национален парк можете да ја видите ТУКА
Од ова неформално здружение тврдат, дека се во соработка и со останатите граѓански здруженија и коалиции чиј прироитет им е заштита на животната средина. Заеднички ги координираат и наредните активности. Планираат по завршување на коронакризата да пристапат и кон собирање потписи како официјална петиција која ќе биде доставена како до локалните самоуправи така и до Владата за да се заштити и прогласи Беласица како национален парк.
Од Бугарска и Грчка страна Беласица има заштитен СТАТУС. Од страна на Бугарија и планината е прогласена за парк на природата а од грчка национален парк. Единствено од Македонија нема никаков статус и со години се преговара и чека, во најмала рака да биде прогласена за заштитно подрачје, иако постои мрежа на заштитени подрачја како што се Моноспитовското блато и Колешинските и Смоларските водопади како споменици на природата.
фото – неформално здружение Црвена младина
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
