Да не се заборави ликот и делото на Благој Истатов, порачаа маратонците кои трчаа со Николче од Струмица до Дојран

255

,,Да не се заборави ликот и делото на Благој Истатов кој ја афирмираше Струмица, Дојран и Македонија насекаде по фудбалска Европа’’ Ова беше пораката на 30 тината маратонци и велосипедисти кои денеска трчаа и возеа во чест на Благој Истатов од Струмица до Дојран иницирано од Николче Ѓорѓиев струмичаенц кој живее и работи во Швајцарија заедно со велосипедистите од Актив од Струмица. Сите тие од Струмица тргнаа од стадионот Благој Истатов и за нешто помалку од 4 часа стасаа до СРЦ Истатов во Дојран делница долга околу 42 километри.

По пат или кај Валандово им се приклучија и членови од АК ,,7 Ноември’’ од Гевгелија фудбалскиот судија Ѓорги Карајанов но и Пере од „Нокаут“.  Сите тие заедно ја носеа пораката што честопати ја користеше Истатов дека сите треба да спортуваат уште од млади нозе ако сакаме здрави генерации и добри спортисти. Како што не информираа маратонското трчање поминало во најдобар ред а на целта имало и дружење меѓу сите во СРЦ Истатов во Дојран

Таму маратонците и велосипедистите беа пречекани од градоначалникот на Дојран Анго Ангов но и од концесионерот на стадионот ,, Благој Истатов’’ во Струмица Славчо Васков Пинда со дел од семејството Истатови

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.