Градоначалници, екологисти и професори се потпишаа „Кожуф“ да стане Национален парк – на потег државата !

3630

Градоначалниците на Гевелија, Кавадарци, Демир Капија, преставници на повеќе еколошки и планинарски здруженија но и професори од Природно математичкиот факултети при Универзитетот Кирил и Методиј во Скопје ставија потпис на иницијативата за прогласување на планината Кожуф за национален парк.  Иницијативата е доставена до Министерството за животна средина во кое е наведено значењето но и потребата од прогласување на оваа планина за национален парк

,,Со прогласувањето на планината Кожуф за Национален парк, нема само да го  заштити природното богатство на планината  туку ќе придонесе и за развој на социо економскиот живот на населението во и околу националниот парк. Овој парк ќе отвори голем број на директни работни места за управување со него, ќе придонесе за ревитализација на десетици напуштени села и развој на селскиот туризам ,, стои во иницијативата на градоначалниците, екологистите, планинарите но и професорите од Природно математичкиот факултет

Планината Кожуф со површина од 893 километри квадратни се наоѓа на териториите  на општините Кавадарци, Демир Капија и Гевгелија. Се смета за една од најубавите и најмоќните планини на југот од Македонија, која изобилува со голем природен потенцијал со богата флора и фауна. На Кожуф сеуште опстојува рисот како редок и заштитен вид растението Arbutus andrahn или во народот познат како „гол човек„ кое со закон е заштитен.

Општините Кавадарци, Гевгелија и Демир Капија бараат поддршка од државните институции  да се формира тело кое ќе ги координира сите активности околу изработката на Студијата за валоризација на Кожуф – Национален парк за што изразиле и подготвеност за финансирање на дел од активностите

Инаку, во Македонија има четири национални парка, Пелистер, Галичица, Маврово и Шар планина, а доколку успее иницијативата за Кожуф, тоа би бил прв национален парк во југоисточниот дел на нашата земја.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.