Градоначалникот на Радовиш Конзулов му ја врачи наградата Ацо Караманов на шпанскиот поет со светско реноме Хусто Хорхе Падрон

1500

Градоначалникот на општина Радовиш Герасим Конзулов на светски познатиот поет од Шпанија Хусот Хорхе Падрон му ја врачи европската награда за поезија „Ацо Караманов„ од годинашниве Караманови средби. Хусто Хорхе Падрон беше претставен од страна на познатата македонска писателка и критичар проф. Д-р Кристина Николовска

На свеченото отворање поздравно обраќање имаше Градоначалникот на општина Радовиш, Герасим Конзулов, кој го истакна значењето на „Караманови поетски средби“ како потстрек за сите генерации да го негуваат поетското творештво и остават белег во богатата ризница за сите читатели

Се одржа Беседа за Ацо Караманов од Стојан Тарапуза, а посетителите можеа да го слушнат книжевниот потрет на познатиот шпански и светски поет – Хусто Хорхе Падрон од новинарот и поет Ѓорги Калајџиев.

На Карамановите средби кои оваа година се организираат во знакот на големиот јубилеј „1000 години Радовиш“, беа доделени уште две награди. Балканската награда за поезија „Ацо Караманов„ ја доби хрватскиот поет Валерио Орлиќ за поетската книга „Обележувам ѕвезди„ а наградата  „Караманов„ за најдобра книга од македонски автор ја доби  Даниела Андоновска Трајковска за книгата „Електронска крв„.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.