Првиот човек на Општина Гевгелија Андон Сарамандов на својот фб профил објави фотографии како градот Гевгелија е украсен во новогодишно руво. Според информациите поставени се дел од минатогодишните декоративни елементи а годинава се набавени нови. Станува збор за стотина нови елементи набавени од фирмата Димензија 360 од Скопје за околу 896 илјади денари или околу 14,5 илјади евра. Станува збор за истата фирма која лани ја украсуваше Гевгелија за 11 670 евра.
Како што стои во договорот набавени се елемент во 3Д форма во облик на елекен во висина од 18 см, елемент новогодишна кочија со два елени како и стотоина конектори од лет сијалички со боја на светло со должина од 10 метри како и конектори со реси од лед сијалички со боја на светло
Градоначалникот паралелно најави и Новогодишен базар кој ќе стартува од понеделник 23 ти декември
,,Новогодишната приказна пристигна и во нашата Гевгелија. Градскиот плоштад е украсен и полека започнува да танцува во ритамот на празниците. Во понеделник на 23.12.2024 год. започнува Новогодишниот Базар со повеќе учесници, а многу дечиња и млади ќе имаат можност да го почуствуваат празничното расположение во Гевгелија“, стои во објавата на градоначалникот Сарамандов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
