Голем број гевгеличани, како и гости од другите градови, ја дочекаа Новата 2024 година на Градскиот плоштад во Гевгелија. Општина Гевгелија, трета година по ред, организираше новогодишен дочек со богата културно- забавна програма, во којашто учество зедоа, пред се, локални музички групи и уметници. За новогодишната забава и веселиот новогодишен амбиент на Градскиот плоштад во Гевгелија, се погрижија играорците на КУД „Танец“ од Миравци со изведба на македонски традиционални ора, „Лајф бенд“, Оливера Станковска, триото „Хитс“ – во состав на Моки, Марија и Крџе и популарниот Дејан Малзарков со stand up комедија – Diverzija, објави општината.
![](https://drnka.mk/wp-content/uploads/2024/01/415157735_389822416743478_1448658571598394088_n.jpg)
Бројните гости на преполнетиот Градски плоштад, Новата година ја дочекаа со настапот на Ристо Самарџиев и неговите пријатели, како и со спектакуларен огномет. Притоа, си посакаа здравје, среќа и благосостојба, не криејќи го задоволството поради прекрасниот заеднички новогодишен дочек. Новогодишната ноќ во Гевгелија помина во најдобар ред, без инциденти и интервенции од страна на надлежните служби за одржување на јавниот ред и мир.
![](https://drnka.mk/wp-content/uploads/2024/01/416068165_389822673410119_3055043601278339000_n.jpg)
![](https://drnka.mk/wp-content/uploads/2024/01/415227419_389823143410072_590853342747763115_n-1024x683.jpg)
![](https://drnka.mk/wp-content/uploads/2024/01/416029398_389822340076819_8047787317880772897_n-1024x473.jpg)
![](https://drnka.mk/wp-content/uploads/2024/01/415223927_389822626743457_302440618003503347_n.jpg)