Гевгеличани одлучија грантот од 50 илјади долари да биде за изградба на спортско-рекреативен центар Топлик

3741

Грантот од 50 илјади долари да биде насочен за изграддба на Спротско рекреативен центар кај браната Топлик. Вака одлучија гевгеличани на Форумот на заедницата каде изминатиов период предложија и дебатираа за проекти од областа на животната средина. Станува збор за Форум во рамките на Програмата „Зајакнување на општинските совети- Фаза 2“, финансирана од Швајцарската влада и Министерството за локална самоуправа, а ја кофинансира и спроведува УНДП.

Гевгеличани кои се информираа за буџетот на општината, предложија шест проекти како потенцијални да се финансираат со грантот но на четвртата форумска сесија работните маси најмногу гласови му дадоа токму на проектот Изградба на спортско-рекреативен парк кај местото викано Топлик се наоѓа на 2 километри северозападно од градот Гевгелија.

Според првичниот предлог концепт се предвидува поставување летниковци, перголи, клупи и масички за седење, патокази, држачи за велосипеди, канделабри за осветлување и канти за отпадоци. На местата каде што има водени површини кои постојно се премостуваат со прескокнување, се предвидуваат мостчиња и под нив бетонски цевки за регулација на водата. Се предвидуваат и паметни клупи со инсталиран систем за искористување на сончевата енергија, која генерирана енергија ќе се користи за полнење на електронски уреди. Осветлувањето на локацијата исто така е предвидено да биде со канделабри.

За целосна реализација на овој проект со свои пари ќе учествува и општина Гевгелија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.