Гевгелиски Мултус објави видео ,,Ѓубре експерти’’ за тоа како се спинува одредена вест ! (видео)

1443

Во рамките на проектот ,,Медиумска Диверзија’’,  Центар за едукација култура и активизам ,,Мултус’’ од Гевгелија заедно со партнерот Регионален центар за одржлив развој од Гевгелија го објавија првото хумористочно видео преку кое се обидуваат да ја информира јавноста како се спинува одредена вест на која ,,паѓаат’’ многумина . Станува збор за видео ,,Ѓубре експерти’’  за кое автори се Дејан Мазларков, Димитар Новаков и Лилјана Танчева и на еден класичен начин го отсликуваат спинот како медиумска манипулација, односна дека одредена вистина се испревртува за нечија корист при што јавноста добива погрешна слика.

Во наредниот период во рамките на проектот ќе се продуцираат и други хумористични видеа еден краток филм но ќе се одржат и осум обуки на тема медиумска писменост и отпор кон дезинформации. Хумористичните видеа ќе ги изработуваат во соработка со Диверзија продукција, краткиот филм повторно ќе го работат средношколци, а работилниците ќе се одржуваат во Гевгелија, Богданци, Дојран и Валандово.

Проектот ќе третира теми кои вклучуваат манипулации пласирани преку медиумите, посебно преку социјалните медиуми. Ќе бидат презентирани ситуации кои често не ги забележуваме, а ни создаваат одредени искривени слики, ни оформуваат идеологии или суптилно напаѓаат нечие живеење. Проектот „Медиумска диверзија“ ќе се спроведува 9 месеци, а се планира да заврши во февруари 2022 година.

 

 

Регионалната програма „Отпор кон дезинформации и говор на омраза: Акција на граѓанското општество за реафирмирање на слободата на медиумите и спречување дезинформации и пропаганда за ширењеомраза во земјите од Западен Балкан и во Турција“ се спроведува со поддршка од ЕвропскатаУнија, од страна на партнерските организации од регионот: СЕЕНПМ, Македонски институт за медиуми, Албанскимедиумски институт, Медиацентар, Косово 2.0, Црногорски институт за медиуми, Новосадската школа за новинарство, Мировен институт и Бианет.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.