Во чест на Благој Истатов, Николчо Ѓорѓиев со поддршка на ВК Актив ќе трча и вози велосипед 190 км !

1520
Ултрамаратонецот Николчо Ѓорѓиев по трет пат ќе трча и вози велосипед за Благој Истатов а поддршка ќе бидат членови на ВК Актив од Струмица

Струмичанецот кој работи и живее во Швајцарија – Николчо Ѓоргиев во соработка со ВК „Актив“ од Струмица и фамилијата Истатови утре ќе го реализираат настанот ,,Трчаме со Николчо“ во чест на фудбалската легенда на Македонија – Благој Истатов. Станува збор за делница од Струмица преку Радовиш, Неготино, Гевгелија, Удово, Валандово па се до Дојран во вкупна должина од 190 километри која Ѓорѓиев со подржувачите велсипедисти и други тркачи  ќе ја трча и вози со велосипед.

Како што не информираше Ѓоргиев се тргнува од Струмица во 8 часот и првите 10 километри се трча по што се преминува на возење велосипед. Со велосипед ќе се вози до Радовиш, Неготино, Гевгелија и се враќаат до Удово. Таа делница со велосипед е од 150 километри. Од бензиската кај Удово повторно ќе се трча се до СРЦ Истатов во Дојран од 30 километри.

,, Истатов беше легенда и човек со огромно срце. Тој беше човек кој знае да советува, инспирира. Секогаш ми кажуваше  дека во спортот нема откажување. Во негова чест по трет пат во Македонија ќе се обидам да истрчам и извозам делница од 190 километри. Паралелно ќе ме придржуваат и членови од ВК Актив и велосипедисти тркачи на долги патеки,, ни изјави Ѓорѓиев кој очекува целата делница да ја помине за нешто повеке од 8 часа и околу 16-17 часот во зависност од временските услови да биде во Дојран.

За време на целата рута Ѓорѓиев ќе ја има поддршката од ВК Актив од Струмица кои исто така се организатори на овој настан.

,,Ние како спортско-велосипедски клуб ќе ја продолжиме соработката со фамилијата Истатови, бидејќи продолжува и нивниот директен ангажман во фудбалот и спортот во целина, пришто знаеме дека тие можат да придонесат уште многу на спортот, а тоа за нас е доволна мотивација да ја негуваме нашата соработка со нив,, стои во поканата за настанот од ВК Актив

На 05.04.1947 пред точно 76 години во Струмица е роден Благој Истатов, кој веќе на 17 години дебитира во фудбалскиот клуб Беласица, а еве како понатаму се движеше неговата кариера:
– 1964 – 1967 Беласица (Струмица)
– 1967 – 1973 Победа (Прилеп)
– 1973 – 1976 Партизан (Белград)
– 1976 – 1978 Утрехт (Холандија)
– 1978 – 1985 Беласица (Струмица)
Да се биде прв голман во овие значајни и познати фудбалски клубови сведочи за неговата успешна кариера, а секако како најзначајна ќе ја издвоиме 1976 година кога со клубот Партизан (Белград) ја освојува и титулата шампион на Југославија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.