Во трката за Прва лига, струмичка Беласица се засили со тројца нови играчи во еден ден

322

Струмичкиот второлигаш Беласица кој по есенкиот дел од првенството е на лидерската група во источното друштво се засили со нови три играчи за пролетниот дел од шампионатот со кој планира да ја сочува лидерската позиција и да се пресели во Првата лига. Станува збор за фудбалерите Роберт Митев, Давид Стојков и Васко Коцев, од кој првиот доаѓа од Тиквеш од Кавадарци а другите двајца од Академија Пандев

Роберт Митев е офанзивен крилен фудбалер. Тој во Тиквеш беше меѓу стандардните првотимци а со доаѓањето во Струмица се очекува да го засили нападот на струмичка Беласица. Стојков и Коцев доаѓаат Академијата на Горан Пандев и имаат по 18 години. Коцев  е играч од средината на теренот и главно е игра поофанзивно во креација на нападите додека Стојков игра одбрана. Претходно Беласица го донесе Даниел Радоњиќ.

Во играта за првата позиција освен Беласица во игра се и штипска Брегалница, тиквеш од Кавадарци, Кит Го од Пехчево а може да се вмеша и гевгелиски Кожуф. Неодамна во интервју за Дрнка.МК стратегот на Беласица Ване Милков кажа дека Беласица има силна екипа за камбек во елитата

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.