Во товарно возило комбе кај валандовско Марвинци пронајдени 32 мигранти

1507

Во близина на село Марвинци вчера полициски службеници пронашле 32 мигранти, кои биле во комбе „пежо боксер“, соопшти денеска МВР.

,,Вчера во 06:00 часот на магистралниот пат во близина на с.Марвинци, во координирана акција на полициски службеници од Регионален центар за гранични работи Југ и од Полициска станица за граничен надзор Богородица било забележано товарно возило комбе „пежо боксер“. По запирање на возилото во него се пронајдени 32 лица мигранти,, се наведува во соопштението на Министерството.

Известен е јавен обвинител, а по целосно расчистување на случајот против возачот ќе биде поднесен соодветен поднесок.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.