Во Струмица ќе се гради откупен дистрибутивен центар за зеленчук – парите обезбедени со заем од Светска Банка

726

Владата ја отпочна постапката за изградба на Откупно дистрибутивен центар за зеленчук во Струмица но и за овошје во Ресен. Министерот за земјодлество денеска го потпиша Договорот од половина милион евра со избраното консултантско партнерство на фирмите Глобалтек Десаролос, Коленко ДООЕЛ, Нју Вижен ДОО и Биро за Урбанизам Битола ДООЕЛ кои ќе треба да ја спроведат целата постапка.

Овие консултантски фирми ќе треба во наредниот период да извршат избор на локација, урбанистичко планирање, физибилити студија, стратешки и бизнис план, проценки на влијанието врз животната средина и социјални аспекти, главен проект и финализирање на планот за управување со животната средина и социјалните аспекти.

Откупно-дистрибутивен центар во Струмица ќе претставува клучен објект во регионот на интензивно производство на зеленчук за којшто е потребно складирање и ладење, сортирање, пакување или подготовка за преработка.

„Со денешното потпишување на договорот, се преземаат подготвителни активности за реализација на два откупно-дистрибутивни центри во нашите најголеми производствени региони, Струмица и Ресен, кои заедно со новата логистичко-дистрибутивна платформа во Скопје ќе создадат услови за воспоставување на национален систем за дистрибуција на храна“, истакна премиерот Димитар Ковачевски,

Тој потсети дека средствата во износ од околу 12 милиони евра за развој и изградба на двата откупно-дистрибутивни центра, се обезбедени преку Проектот за модернизација на земјоделството кој се финансира со заем од Светска банка во износ од 46 милиони евра.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.