Во пресрет на светскиот ден на крводарителите 14-ти јуни , струмичани доброволно даруваа крв за да помогнат некому (фото)

678

По повод светскиот ден на крводарителот –  14 ти јуни, во организација на Црвен  Крст и Службата за трансфузиологија од Струмица се организираше доброволна крводарителска акција на која беа собрани повеќе од 35 крвни едници. Како што не информираше Дениза Стамболиева раководителот на Службата, на акцијата зеле учество крводарители  кои за првпат даруваа крв за потребите на струмичката болница што уште еднаш се потврдува дека струмичани сакаат да помагаат

Годинашново одбележување на крводарителската акција  беше под мотото ,,Сигурна крв за сите“ а од Службата за трансфузиологија при струмичката болница, потенцираа дека постојано има потреба од донирање крв во текот на целата година со цел да се одржуваат потребните резерви и да се постигне универзален и навремен пристап до безбедна трансфузија на крв за пациентите

На годиншно ниво во Струмица крв даруваат од 1500 до 2000 лица и како што истакна д-р Дениза Стамболиева раковидтел на Службата за трансфузиологија, струмичани се едни од најхуманите луѓе кои постојано даруваат со што се задоволуваат потребите на Општа Болница Струмица а по потреба се испраќа и во болниците во Штип, Кочани и Гевгелија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.