Во општина Василево во сите населени места ќе се инсталира ново улично со штедливи ЛЕД светилки

1995

Овие денови во општина Василево ќе отпочне постапката за замена на уличното осветлување со нови штедливи ЛЕД светилки, откако општинските власти потпишаа договор за јавно приватно партнерство со ,,Македонски Телеком’’ по ЕСКО модел, односно за реконструкција и одржување на јавното осветлување во општина Василево преку воведување мерки за енергетска ефикасност според ЕСКО Модел. Ова значи дека Телеком како ЕСКО фирма ќе треба да инсталира 1110 нови ЛЕД светилки со различна јачина во зависност од позицијата каде се поставува.

Ќе бидат опфатени сите населени места но и спортските  игралишта во Василево, Нова Маала, Добрашиници, Сушево, Дукатино и Седларци. Демонтажата на сегашните и инсталирањето на новите ЛЕД светилките во ова општина и нивно одржување во наредните шест и пол  години ќе чини околу 330 илјади евра. Исплатата ќе се врши со заштедата на средствата по овој основ, со оглед дека се очекува далеку пониска потрошувачка на енергија со воведувањето на новите ЛЕД светилки. Граѓаните нема да бидат оптоварени со дополнителни трошоци велат од општината .

,,Со овој проект кој е поддржан од Европската банка за обнова и развој значително ќе се подобри енергетската ефикасност во општина Василево. Како општина  ќе добиеме ново улично осветлување и заштеди со кои во наредниот период ќе се исплати инвестицијата, што значи нема исплата на пари од Буџетот при што граѓаните нема да бидат дополнително финансиски оптоварени. Улично ќе плаќаат како и досега а че добијат поквалитетно осветелување. По завршување на договорот ние го добиваме улично со ЛЕД светилки за кое како општина ќе се грижиме но и заштедите по овој основ,, вели градоначалникот на Василево Марјан Јанев

Од заштедата на енергија, директен бенефит ќе има општина Василево а финансирањето, изведбата и гаранциите ги сносат ЕСКО компаниите во случајот Македонски Телеком. Освен во Василево, по овој ЕСКО модел треба да се замени уличното осветлување и во општините Радовиш за што веќе градоначалникот Герасим Конзулов потпиша договор но и општина Валандово.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.