Во Гевгелија на плоштадот ќе има организиран дочек на Новата 2024 година со богата културна и музичка програма !

1155

Гевгеличани Новата 2024 година ќе може да ја дочекаaт на Градскиот плоштад, соопштија општинските власти кои ја објавија и програмата што ќе се случува на 31 декември вечерта во центарот на Гевгeлија. Според најавите, новогодишниот дочек ќе биде со богата културно- забавна програма со локални музички групи и уметници.

,,Годинава, за забавата за највеселата ноќ во гoдината се задолжени Оливера Станковска, „Лајф бенд“ и триото „Хитс“ во состав на Моки, Марија и Слободан. Исто така, ќе настапат и КУД „Танец“ од Миравци и популарниот Дејан Малзарков со stand up комедија – Diverzija. Гостин на вечерта ќе биде познатиот македонски пејач, Ристо Самарџиев со пријателите, кој ќе ги забавува гевгеличани за Нова година со својот познат репертоар. Водител на Новогодишниот дочек на 2024 година, на плоштадот во Гевгелија, кој започнува во 20:00 часот, на 31 декември, ќе биде Никола Опров,, објави Општина Гевгелија на својата веб страна

Ова е трета година по ред како Општина Гевглеија организира новогодичен дочек на плоштадот. Првиот човек на општината  Андон Сарамандов, го најави дочекот на Новата 2024 година на Градскиот плоштад во Гевгелија и ги покани гевгеличани на заедничкото прославување.

,,Гевгелија заслужува да биде урбано место со богата музичка и други културни содржини преку целата година. Водејќи се од тоа дека традицијата треба да се негува, граѓаните повторно ќе имаат можност заеднички да ја дочекаат Новата 2024 година на Градскиот плоштад во Гевгелија“, порача Сарамандов и ги повика гевгеличани на заеднички дочек на Новата 2024 година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.