Во Гевгелиско двајца возачи тешко повредени – едниот со возилото се превртел, другиот излетал од патот

4135

МВР соопшти дека вчера попладне во гевгелиско на два различни патни правци, патнички моторни возила изгубиле контрола при што едниот се превртел додека другиот излетал од коловозот. Двајцата возачи според МВР се здобиле со тешки повреди констатирани во гевгелиската болница.

На 09.09.2022 во 17.15 часот во Полициска станица Гевгелија е пријавено дека на локалниот пат 1108, с.Ново Конско – Старо Конско, патничко моторно возило „мерцедес“ со швајцарски национални ознаки, управувано од Ц.Ч.(37) од Гевгелија, изгубило контрола и се превртело на коловозот. По несреќата возачот Ц.Ч. е пренесен во Јавна здравствена установа Гевгелија каде му се констатирани тешки телесни повреди. Увид на местото извршила екипа од Полициска станица Гевгелија.

На 09.09.2023 околу 21.10 часот на регионалниот пат 1102, клучка „Прдејци“– клучка „Смоквица“, во близина на бензинска станица, патничко моторно возило „митцубиши“ со гевгелиски регистарски ознаки, управувано од П.Т.(51) од с.Богородица, изгубило контрола и излетало од коловозот. Во несреќата возачот се здобил со тешки телесни повреди, констатирани во Јавна здравствена установа Гевгелија. Увид извршила увидна екипа од Полициска станица Гевгелија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.