Во Богданци ќе има Фестивал на диви смокви – ќе се прави и дегустира слатко со три часа забава за посетителите

7780

Во организација на Slow Food – Македонија и Здружението ,,Еко Росалес“ од Богданци во недела  во градскиот парк Богданци ќе се приготвува слатко од диви смокви но и ќе се дегустира овој специјалитет на штандовите а паралелно ќе има и богато културна уметничка програма. Според најавите шест домаќинки од Богданци на лице место ќе  го презентираат целиот процес на подготовка на слатко од диви смокови а ќа има и десетина штандови од мали производители членки на Slow Food Македонија и тоа од Валандово, Скопје, Кратово, Крива Паланка, Пробиштип, Прилеп, Битола, Берово, Дојран.

,,Овој Фестивал се одржува секоја година по систем на ротирање во Богданци, Дојран Валандово. Поради пандемијата три  години не се одржа. Ова година е во Богданци и сакаме да ја испромовираме нашата традиција преку Slow Food која е организација чија примарна цел е заштита на биодиверзитетот, заштита на локалните традиционални еко производи на кои им се заканува исчезнување. Слаткото од диви смокви е прв президиум од Македонија кој се промовира низ маркетите и саемите за здравa храна во Италија, Франција, Швајцарија, Бугарија, Турција, Хрватска, Босна и Херцеговина, Албанија и Романија,, ни изјави Александра Картелова од Еко Росалес од Богданци

Во рамките на уметничката програма ќе настапа: Пензионери пејачка група, ЗКУД Бранд Петрушев, Слободанка Арнаудова, Фониа, Марија Ичкова, Ице Горичев, Валери Заров, Здравко, Ристо-Тарабан и Милош и ФА Мегдан

,,Дојдете да откриеме какво богатство е спакувано во тегла слатко од диви смокви“ повикаа Александра Картелова и Елена Петкова задолжени за организацијата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.