ВИДЕО: Како изгледаа возењата трактори на Христијан и Стоја кои се закитија со злато во Кавадарци

17822

Христијан Ѓоргиев и Стоја Георгиева под менторство на професорот Ванчо Танев при СОУ ,,Димитар Влахов“ од Струмица се закитија со златни медали во дисциплината ,,Вешто возење и управување  трактор со приколица“ на 51 Државен тракторски натпревар во Кавадарци каде како училиште го освоија второто место.

За овој натпревар тие интензивно се подготвувале на полигонот на училишната економија. Станува збор за дисциплина во која учениците треба да покажат вештини и знаење за брзо поминување на одредена патека без притоа да не собори ниту еден обележан чун.

Христијан е трета година додека Стоја е втора на земјоделската струка насока Техничар по фиотмедицина. И двајцата се од населеното место Нова Маала. Тие без грешки ја поминаа патеката во Кавадарци при што Георгиева постигна и најбрзо време во женска конкуренција туку воопшто и во досега одржаните тракторски натпреври.

,,Вежбавме напорно речиси секој ден последните две недели и медалот е резултат на поддршката и насоките што ни ги даваше професорот Танев. Имав претходно возено трактор, но беше тешко на патеката во Кавадарци со оглед на врнежливото време и калта која се појави на патеката,, рече Христијан Ѓорѓиев.

,,Тракторите не се само за мажи туку нив може да ги возат и жените. Можам да кажам дека жените се подобри возачи од мажите и не треба да се прави делба на работата на мажи и жени. Не е важно што другите велат туку треба да го работиш тоа што го сакаш и можеш ,, вели Стоја Георгиева. (М.Коцева)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.