Вечерва во Босилово ,,Иселенички средби”, присутните ќе ги забавуваат Пицикато, Билјана и Боро, Силви бенд и Сузана Гавазова

271

На летната сцена во Босилово вечерва со почеток во 20 часот ќе се одржат деветите по ред Иселенички средби на кои се очекуваат голем број нашинци кои низ годините заминале во европските и прекуокеанските држави.  Станува збор за средби на кои иселениците ќе имат можност да се видат, потсетат на родниот крај но и да го зачуват обичаите и традициите кои ги има во родните села.

Градоначалникот на Босилово Зоран Зимбаков на својата ФБ Фан страна напиша дека сите иселеници се добредојдени и дека вратите на родниот крај секогаш ќе бидат отворени.

,,Идеата за организирање на оваа манифестација ,,Иселенички средби,, потекна лично од мене, во далечната 2011 година, заедно со претставничката на мировниот корпус, која во тоа време волонтираше во нашата општина. И после девет години и оваа манифестација опстојува. Со организирањето на ваква вечер сакаме како локална власт да им посакаме добродојде на нашите сограѓани, иселеници од дијаспората, да им испратиме искрена порака дека секогаш и во секое време се добродојдени во родниот крај” напиша Зимбаков

Според објавената програма вечерва на иселеничките средби ќе пеат, Пицикато, Билјана и Боро со групата Астрион, Силви Бенд но и Сузана Гавазова.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.