Василево, Богданци, Босилово, Струмица и Радовиш добија пари за развој на подрачја со специфични потреби за 2019

817

Пет општини од Југоистокот ќе добијат пари од министерството за локална самоуправа од програмата за регионален развој мерка развој на подрачја со специфични развојни потребни. Станува збор за општините Струмица, Радовиш, Богданци, Василево и Босилово кои ќе градат улици, патишта и ќе изработуваат  проекти и технички докуметнации за одредени намени

Најмногу средства од ова мерка ќе добијат општините Василево и Богданци, по 3 милиони денари. На Василево им се одобрени средствата за изградба на улица во Добрашинци додека на општина Богданци за реконструкција на улиците Гоце Делчев, Дваесет и петмина и Никола Карев во Стојаково.

1,7 милиони денари ќе доби општина Босилово за изградба на локален пат во Робово а Струмица со 1,4 милиони денари планира да изработи проект за атмосферски канал во Габрово. На општина Радовиш од ова мерка ќе им бидат доделени милион денари за изработка на техничка документација за регионален пат Р-2431 на планина Плачковица кој ги поврзува општините Радовиш, Штип, Карбинци

Еве го линкот со сите одобрени проекти……

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.