Борбена игра на струмички Астраион кој со Младост Богданци ги поделија бодовите од соседското дерби (ФОТО)

1095

Струмичките ракометари одиграа нерешено со Младост 1977 од Богданци во рамките на второто коло од Првата лига и ги поделија бодовите. И двата тима во финишот од средбата имаа можност да стават печат за победа, но не успеа да го најдат патот до противничкиот гол со што мечот заврши 31:31.

Астраион Хендбол одигра одлично и речиси во три четвртини од мечот имаше предност благодарение на цврстата одбрана. Момците на Пепи Пецанов во второто полувреме стаса и до позитива од пет гола (25:20 ) но последните неколку минути падна играта. Искусниот Младост од Богданци успеа  да ја стопи предноста на домакините и дојде до нерешен исход.

Крајниот резултат 31:31 беше поставен уште во 58 минута. Струмичани под пресинг не искористија два напади за победа а исто толку пропуштија и гостите од Богданци.

Кај Астраион најефикасен беше Васе Наков со 12 гола, 5 постигна Кире Георгиев, 4 Митко Ѓоргиев а шп 3 Миливој Котевски, Дарко Кантраџиев, Александар Цонев а во листата со еден погодок се запиша и Митко Ефтимов. Во одбраната блескаше голманот Мите Ристов кој имаше 16 одбрани

Кај гостите најефикасен беше Илија Чрчев со 11 гола и Никола Роглев кој постигна 7. По 3 постигнаа Димитеар Пеев и Ѓорѓе Атанасов. Мартин Прчев и Душан Каракалашев по 2 а по еден гол Митко Стоилов, Стамен Гогов и Антониот Николоски.

Астраион Хендбол и Младост 1977 имаат по четири бода по две кола ако се знае дека во првото коло и двата тима забележаа победи .

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.