Благој Истатов и синот Дамиан ми дадоа сила да издржам, вели Николчо кој помина 190 км за голманската легенда

818
Последните 15 километри од рутата, на Николчо му се прикличи и 12 годишниот син Дамиан кој му даде сила да го издржи дуатлонот од 190 километри....

Ултрамаратонецот Николчо Ѓоргиев родум од струмичко Сушица кој живее и работи во Швјацарија, во соработка со ВК „Актив“ од Струмица и фамилијата Истатови  го реализираа настанот ,,Трчаме со Николчо“ во чест на фудбалската легенда на Македонија – Благој Истатов. Тој пред Велигденските празници трчаше 40 и возеше велосипед 150 километри од Струмица преку Радовиш, Неготино, Гевгелија, Удово, Валандово па се до Дојран со цел да ја пренесе пораката од Истатов дека во спортот нема откажување.

Седум часа и 40 тина минути траеше подвигот на Ѓорѓиев кој прво почна од Струмица па трчеше 10 километри а потоа со велосипед возеше до Гевгелија преку Криволак  и се врати до Удово од каде повторно трчаше, при што цело време беше придржуван од велосипедистите на „Актив“ од Струмица. На последните 15 километри му се придружи и неговиот 12 годишен син Дамиан со кого стасаа во Дојран до СРЦ „Истатов“ каде го пречекаа членовите на потесното семејство на Благој Истатов. Станува збор за спортска дисциплина дуатлон – трчање и возење велосипед која Николчо ја практикува во Швајцарија

,,Најтешко ми беше на делницата од Радовиш до Неготино кога возев велосипед. Заради врнежливото и студено време како да не ги почустувам зглобовите од нозете, но помислата дека тоа го правам за Истатов како да добив некоја сила. Лично го познавав но доста имав и слушано за него, кој секогаш велеше дека во спорот не треба откажување. Мојата цел заедно со велосипедистите од Актив е да не се заборави ликот и делото на Истатов но и да испратиме силна порака дека сите треба да се спортуваат и да се грижат за здравјето,, ни изјави Николчо на кого во Гевгелија му се приклучија и велосипедисти од „Гевгелија на точак“.

Три години по ред Николчо Ѓорѓиев заедно со ВК „Актив“ посветуваат настан за  Благој Истатов со цел да го анимираат маратонското трчање и возење велосипед во Југоистокот. Прво почнаа со маратонско трчање од Струмица до Дојран за да потоа преминат во комбинација и со возење велосипед. Годинава му се придружи и неговиот син Дамиан. Вели дека учеството на синот во последните 15 километри  му дала дополнителна мотивација.

,,Знам дека после Валандово ми пренесоа порака од семејството Истатови да издржам и покрај силниот дожд. Пораката но и кога видов дека ми се приклучува и мојот син Дамиан некако последните километри како и да не ги чуствував, трчев со леснотија. Знам дека со синот во тие последни километри, разменувавме и сугестии како да трчаме бидејќи многу важен факт при дуатлнот е и правилното трчање но и психичката стабилност,, раскажува Ѓорѓиев кој своевремено трчаше и за подигање на свеста за лицата со пулмонална хипертензија.

Благој Истатов почина пред пет години на 71 годишна возраст. Тој беше голман на струмичка Беласица, Победа од Прилеп, Партизан од Белград и Утрехт од Холандија. Беше голман и на фудбалската репрезентација на Југославија. По завршување на кариерата стана тренер на повеќе клубови во земјава и странство а во негова чест фудбалскиот стадион „Младост“ во Струмица се преименува во „Благој Истатов“.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.