,,Астраионци’’ ја надиграа и Македонија ЃП во Скопје – со победа му го честитаа роденденот на Леце тренерот на голманите

1474

Ракометарите на струмички Астраион ја забележаа и седмата победа во првенството  и остануваат непоразен тим во Првата ракометна лига Група 1. Забележаа победа против Македонија Ѓорче Петров во Скопје со 29:24 откако на полувремето беше нерешено 13:13. Со ова победа струмичките ракометари и понатаму го држат првото место во ова група која брои 9 прволигашки ракометни тимови.

Момците од Струмица одиграа мудро и тактички и борбено за секоја топка. Цврстата одбрана и шоуто на голманите кои одбранија дури 6 пенали ги мотивираше ,,астраионци’’ да одиграт и поефикасно во нападот. Васко Наков со 11 голови беше најефикасен, Филип Кавазов постигна 6 а Митко Караиванов 4. Во листата на стрелци се запишаа и Кочев Борче, Велков Александар, Касапов Ѓорги и Ончев Иванче  кои постигнаа по 2 гола

Свое шоу според информациите имале и голманите. Кире Димовски илам 12 одбрани (5 пенали), Перовановиќ Мартин 2 одбрани (1 пенал). Победата  момците од РК Астраион ја посветија на Александар Пиличев со што му го честитаа роденденот. Инаку Пиличев или Леце е тренер на голманите и човекот кој го ,,искали’’ Гогов а на добар пат се да го свртат вниманието и  Перовановиќ но и кадетските голмани Александар Гоџиров и Александар Коцев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.