Александар Ицов од Радовиш со изненадување на хармоника за празниците а најавува нов проект со гајда, зурла ….(ВИДЕО)

2660

Мулти инструменталистот Александар Ицов од Радовиш денововие го промовирше новото оро насловено како “Хармнонична игра“ за која музиката и аранжманот ги напиша токму овој професор по музичко кој стана доста баран за веселби но и повеќе бендови. Станува збор за музичар на повеќе народни инструменти. Освен на хармоника свири и на гајда, зурла кој честопати знае да даде музички аранжман на одредено дело со народните инструменти.

Со музика се занимава околу 20 години а 15 години ги едуцира и децата со музика и музички инструменти. Зад себе има и еден албум насловен како „Николова единаестка“ со 9 композиции. Хармонична игра е во продукција на Арт студио а видео записот е правен на Бел камен над Радовиш во соработка со дел од членовите на бендот Корона.

,,Сакав за празниците да пренесам нова позитивна енергија. Станува збор за ново оро преку кое ги пренесувам празничните емоции за забава, радост, среќа, бериќет. Ова не прва моја авторска објава и секогаш се стремам да направам нешто ново во кое сакам да се слушне македонскиот изворен мелос, македонската вековна традиција“,, вели Ицов кој за блиска иднина најавува музички проект во кој ќе се јави и со гајда и со зурли со оглед дека има магистрирано на македонски народни инструменти.

Ицов соработува со голем број естрадни имиња и прави аранжмани на стари изворни песни кои оставаат нов белег на македонската изворна песна.  Зад него стојат повеќе музички проекти во кои соработува со, Спасен Силјановски,  Тихи Ампов, Христијан Божиновски, Елена Велеска

А еве дел од досегашните авторски дела на Ицов…..

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.