„Europe House“ Струмица наполни две години и стана место каде младите креираат, соработуваат и стекнуваат нови вештини

525

„Europe House“ Струмица одбележа две години постоење и стана синоним каде младите се среќаваат, организираат и градат нови решенија за подобра иднина. Како што истакна Томи Печков во овие две години „Europe House“ Струмица има организирано повеќе од 330 настани, кои сите се поврзани со европските младински цели на кои присуствувале 15.000 млади од Југоистокот. Ова е постигнато благодарение на соработката со повеќе од 100 организации, институции и други чинители од 15 општини.

,,Europe House Струмица – местото на новата генерација каде младите имаат можност да ги изразуваат своите идеи и својата креативност, да дискутираат и критички да размислуваат. Место каде младите се дообразуваат и стекнуваат најразлични вештини. Место каде младите се вмрежуваат и соработуваат помеѓу себе и со други организации,, кажа Печков

На денешното одбележување на две годишнината на „Europe House“ Струмица присуствуваше и Штефен Худолин, ВД амбасадор на Делегацијата на ЕУ во Скопје кој подвлече дека овој концепт е добар пример за соработка межу младите.

„Europe house“ се места каде младите доаѓаат да се сретнат и тоа претставува можност за вмрежување. Но исто така и да научат нови работи, нови вештини и можам да кажам дека сме поминале многу долг пат, имајќи го предвид краткото време кое го имавме на располагање и мислам дека само може да го надградиме позитивниот пример којшто првите три „Europe house“ го имаат поставено и се надевам дека ќе можеме да отвориме и други такви објекти во земјава, рече Худолин.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.