Се санираат улици и патишта во општина Гевгелија

328

ПКД „Комуналец“- Гевгелија започна со санирање на оштетени делови од улици и патишта во општина Гевгелија. Имено, од денеска, вработените во ЈПКД „Комуналец“- Гевгелија се на терен и започнаа со санирање на штетите на делови од гевгелиските сообраќајници, со нанесување асфалтен слој. Како што најавија од Јавното комунално претпријатие, оваа акција ќе продолжи и во наредниот период. Претходно, ЈПКД „Комуналец“- Гевгелија спроведе акција за нивелирање на оштетените канализациони шахти на сообраќајниците во општина Гевгелија.

Врз основа на барањата на граѓаните и по извршениот увид на терен, ЈПКД „Комуналец“- Гевгелија, во соработка со Општина Гевгелија, реализира акција за санирање на оштетените улици и патишта во Гевгелија. Поради потребата од итна интервенција, а со цел нормално функционирање на сообраќајот, истакна градоначалникот Сарамандов, апелирајќи до граѓаните локалните проблеми да бидат навремено пријавени, за навремено решавање од страна на општинските служби преку Систем 48 и во соработка со Јавното комунално претпријатие.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.