Во автентичен книжевно афирмативен амбиент на Метаноја кафе во Скопје се одржа промоција на книгата Тарафот од Петар Трајков од Струмица. Промоцијата беше реализирана како читање на делови од текстот одбрани лично од авторот. Романот Тарафот е трет роман на авторот Петар Трајков по објавените Орбело (2010) и Дојрански договор 2021). Објавил и две публицистички книги и повеќе текстови.
Тарафот е роман од жанрот на историска фикција. Изобилува со многу информации за времињата во кои се опстојувало, детални описи на општествени односи, драматизација на препознатливи настани, опис на предмети, народни обичаи и верувања кои се ново искуство за љубителите на домашната и балканска историска фикција. Тараф е всушност име за политичка припадност на нашиот народ пред да бидат формирани Револуционерната организација и покасно политичките партии. Тарафите биле суштината на политичките збиднувања. Еден тараф успева да се наметне над останатите и го развива бајракот: Македонија на Македонците.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
