Општина Радовиш доби признание за добро управување од Советот на Европа и покажала високо ниво на суогласеност со начелата на доброто демократско управување. Станува збор за наградата ,,Европска ознака за извонредно управување,, од Европската асоцијација за локална демократија (АЛДА) која освен на Радовиш се додели и на други 8 општини од земјава но и општини од Косово и Хрватска.
Признанието го прими првиот човек на Радовиш Ацо Ристов на церемонија во Министерството за локална самоуправа каде министерот Ристо Пенов потенцираше дека Радовиш ги исполнила стандардите на Советот на Европа за примена на нови иновативни практики во работењето за да биде поефикасна, поотчетна и потранспарентна општина.
„Европската ознака за извонредност на управувањето“ е воспоставена од Советот на Европа, а почнувајќи од 2021 година, АЛДА e акредитирана организација да го спроведува проектот во Македонија, Хрватска и Косово.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
