Општина Валандово ќе гради улица од Чалакли до Татарли, тендерот го доби струмичка фирма

2108

Општина Валандово деновиве склучи договор со фирмата Жикол од Струмица откако распиша тендер за реконструкција на патот Чалакли-Татарли во должина од околу 650 метри. Станува збор за пат-улица од централното подрачје на населеното место Чалакли до Татарли кој треба да биде реализиран, според договорот во рок од четири месеци од денот на воведување на фирмата во работа. Вредност на договорот изнесува околу 41 илјада евра кои се обезбедени од Буџетот на општина Валандово.

Дека ќе се гради улица со должина од околу 650 метри од централниот дел на населеното место Чалакли со влезот во Татарли објави и градоначалникот на Валандово Перо Костадинов. Тој во својата објава на ФБ напиша дека со реализацијата на овој проект значително ќе се подобри поврзаноста на граѓаните, сообраќајната безбедност и квалитетот на живот во овој дел на општината, бидејки во Чалакли се изведува и улица од центарот на селото до училиштето за што пред извесен период во посета на Валандово беше и министерот за транспорт Бочварски.

,,Со реализација на овие два инфраструктурни зафати, Чалакли за прв пат добива нова патна инфраструктура и целосна поврзаност на влезот и излезот на населеното место со сите важни објекти за заедницата. Преку рамномерна распределба на јавните средства, граѓаните добиваат еднакви услови за живот и рамномерен развој во секој дел од општината,, напиша Костадинов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.