Ѓорѓе Стојчев и официјално шеф на стручниот штаб на ФК Академија Пандев

477

Управата на ФК Академија Пандев одлучи за Ѓорѓе Стојчев да биде шеф на стручниот штаб односно да ги предводи сениорите во пролетнито дел од првенството. Стојчев како што објави Дрнка.МК го превзеде сениорскиот тим во понеделникот, откако Александар Васоски одлучи на четири дена пред стартот на подготовките да се пресели во Сараево

Според управата, Стојчев е најдобро решение за сениорскиот состав бидејки тој бил дел од ФК Академија Пандев од самото формирање. Претходно работеше во тимот како тренер во младинските категории, а потоа и како асистент на Југослав Тренчовски, Александар Таневски и Александар Васоски во сениорскиот тим.

Академија Пандев е втора по есенскиот дел на прволгиашкиот шампионат. Има вкупно 35 бода на своето конто. Тие од понеделникот ги почнаа подготовките за пролетниот дел од првенството а до крајот на месецов треба да заминат во Анталија Турција за да ја темпираат формата преку контролни средби

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.