Центарот за развој на Југоистокот обезбеди 410 илјади евра за реализација на два нови проекти во интерес на регионот

646

Центарот за развој на Југоисточниот плански регион преку вториот повик во рамките на Интеррег ИПА Програмата за прекугранична соработка меѓу Грција и Македонија ќе имплементира два нови проекти во вкупна вредност од околу 410 илјади евра одобрени за Центарот. Месецов  првиот човек на Центарот за развој на Југоистокот Жулиета Ѓуркова и министерот за локална самоуправа Гора Милевски ги потпишаа договорите за национално конфинансирање.

Се работи за кофинансирање од националниот буџет на Министерството за локална самоуправа во висина од 15% од средствата одобрени за Центарот како партнер во двата проекти кои се имплементираат во две приоритетни области и тоа за развој на локалната економија и превенција и заштита од природни катастрофи.

Едниот проект има за цел подобри економски резултати на Југоистокот. Станува збор за проектот „Деловен еко систем како интегриран систем–Be In” со кој се очекува да се спроведуваат мерки за намалување на јазот помеѓу понудата и побарувачката на пазарот на трудот, поттикнување на иновативноста и развој на капацитети и вмрежување. Вкупниот буџет на Центарот за реализација на проектот изнесува 152.482,50 евра, со времетраење на реализација од 18месеци.

Вторито проектот е „Рано откривање на пожарите и нивно движење за превенција и справување со катастрофи – eFIDAR“, со времетраење на имплементација од 24 месеци и вкупен буџет на Центарот од 267.939,50 евра, ќе се набават две противпожарни возила со противпожарна опрема и ќе се спроведуваат активности за ефикасно откривање и управување со шумски пожари во прекуграничната област. Возилата ќе бидат за ТППЕ Гевгелија и ТППЕ Струмица

Преку Првиот повик од Програмскиот период 2014-2020 од ИПА Програмата за прекугранична соработка со Грција, Центарот кон крајот на 2021 година заврши со имплементацијата на два проекти, а досега има склучено договори за вкупно седум проекти за прекугранична соработка со Грција.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.