Фото: Пандевци ги започнаа подготовките за пролетниот дел – главна цел опстанок во Прва лига

790

Струмичкиот прволигаш Академија Пандев денеска ги започна подготовките за пролетниот дел од првенството каде главна цел им е опстанок во Првата лига. Стратегот Васоски ги има на располагање сите играчи кои останаа но  и четирите нови засилувања кои се приклучија на тимот. До 21 јануари тие ќе бидат во Струмица на теренот на СРЦ Пандев по што заминуваат за Анталија во Турција. Договорени се повеќе пријателски и контролни мечеви од кои првиот ќе биде со штипска Брегалница на 19 ти јануари . Во таборот на Академијата се очекува да пристигнат уште три нови засилувања до заминувањето во Турција

,, Главна цел секако ни е да обезбедиме опстанок во Првата лига. Во есенскиот дел имавме дефинитивно резултатска криза, според мене од психолошка криза. Првиот дел од подготовките ни е планиран овде во Струмица каде ќе работиме на тактички план но и да ги вклопиме новите засилувања. До заминувањето во Турција се надевам дека ќе дојдат сите засилувања за да можеме комплетни да бидеме за пролетниот дел. Сметам дека екипата напролет ќе дојде и до средината на табелата,, вели Васоски

Агрон Руфати и Марио Врдољак беа првите засилувања во зимскиот преоден рок за Академија Пандев по што дојде Георгие Јанкулов и голманот Бурхан Мустафа.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.