Фото и видео – Русалии од Секирник, Миравци, Богданци, Делчево ја презентираа изворната игра на бегалците од кукушко

505

Русалиите од Секирник општина Босилово  се единствените играорци кои ја негуваат културната историја на македонците од Кукушко. Тие се хумани мисионери кои со своите игри и ора ги истеруваат злите духови од селата и собираат дарови за цркви. Токму во ова населено место во општина Босилово синоќа се оддржа јубилејната 10 та по ред ,,Средба на русалиите’’ каде фолклорни друштва од земјава но и од Бугарија  ја презентираа русалиската игра.

На средбата настапија членовите на КУД „Русалии“ од Секирник, КУД „Танец“ од Миравци- гевгелиско, Ансамбл „Македонија“, ФА „Мегдан“ од Богданци“, ФА „Копачка“ од Драмче- делчевско, женската фолклорна група при КУД „Русалии“ од Секирник, како и две русалиски фолклорни групи од соседна Бугарија, „Центар“ и „Пољаните“ од Петрич

,,Овие игри се пренесуваат од генерација на генерација и од нашите дедовци имаме аманет да не ги прекинеме, бидејки единствено ,,Русалиите,, се вистински продолжувачи на обичаите и традициите кои ги негувале нашите, односно македонците во Кукушко. Единствено овде во Секирник може да се видат оригиналните русалиски игри бидејки во селото сите сме деца на бежанци, односно деца на македоснкиот егзодус од 1913 година. Ова игра ја негуваат и други друштва но во поинаква форма’’ велат русалиите од Секирник

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.