Фото: Блесна новогодишната елка во центарот на Струмица, ќе има и новогодишен базар на плоштадот

2631

Блесна новогодишната елка во центарот на Струмица. Како што најавија општинските власти, заради економската криза, новогодишното украсување ќе биде скромно. Исто како и лани засега новогодишно е украсен само градскиот плоштад за што, како што најави градоначалникот Костадин Костадинов во Буџетот се предвидени 400 илјади денари со вклучен ДДВ но се очекува помош и поддршка и од струмички фирми.

Осветлени се грмушките, дрвцата, борчињата и палмите кон Есперанто, канделабрите на плоштадот а поставени се и висулици во ладно бела боја околу елката висока 15 тина метри. Новогодишно осветлени се и влезовите кон плоштадот на кој веќе се поставени дрвените куќички и од сабота до 31 декември ќе има новогодишен базар.

,,Местото кое ги спојува сите граѓани на Општината е секако Градскиот плоштад, каде што практично сите поминуваат низ него и затоа остануваме на ставот да го украсиме само тој дел. Ќе имаме повторно божикен базар со најразлични настани за најмладите, за возрасните и забавите кои ги правевме таму. Граѓните ќе имаат убаво катче на плоштадот кое ќе биде соодветно украсено, но ќе се придржуваме и кон препораките за штедење на електрична енергија,, изјави неодаман градоначалникот на Струмица Костадин Костадинов.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.