Ученици од Јане Сандански од Струмица спортуваа, нуркаа, пешачеа и ја дознаваа културата на своите врсници од Обровац во Хрватска (фото)

990

Средношколци од СОУ Јане Сандански предводени од професори од ова училиште изминатиов викенд беа во посета Средното училиште Обровац кај Задар Хрватска со кое имат воспоставено соработка пред пет години и градат пријателски односи.

Учениците и професорите од двете училишта досега имаат одржано  четири средби при што изградија мостови на соработка во поглед на заштитата на животната средина, размена на искуства и методи за изведување настава, запознавање на традициите и историјата на двете земји но и заедничко спортување

Струмичките средношколци викендов кај своите врсници во Обровац Хрватска беа дел од меѓународниот настан ЕВЕС – Еколошки викенд на екстремни спортови, каде 32 ученика од СОУ Јане Сандански заедно со професорите Славица Милева-Ефтимова, Софија Тошева, Маријана Христова, Драгица Стамболиска, Данче Палазова, Борка Дончева, Атанас Цикарски, Наско Панов и Гоце Кончалиев беа дел многуте активности организирани од Училиштето Обровац

Струмичките гимназијалци со професорите заедно со домаќините но и други училишта од Хрватска рафтингуваа по реката Зрмања што беше одлично запознавање со овој екстремен спорт кој го крева адреналинот

Најхрабрите пак ученици од Струмица со искусни тренери од Далмација нуркаа и ја чистеа реката Зрмања од отпад

Дел од тимот од Струмица пешачеа и го посетија националниот парк Пакленица каде го посетија подземниот град со музеј.

,, Со ова посета се зацврсти соработката меѓу двете училишта но се зајакнаа и пријателствата меѓу нашите и хрватските средношколци кои верувам дека ќе се нагуваат и во иднина. Успеавме да дознаеме за културата и традициите на ова далматинско место но и да се запознаеме со некои екстремни спротови кои исто така ги зближуваат младите кои разменуваа искуства за школувањето но и наставата,, информираа од СОУ ,,Јане Сандански’’ од Струмица

,,Само со градење мостови на пријателство и запознавање на различните култури се отвараат перспективите за поголема интеграција на младите и реализација на заеднички проекти и активности’’, потенцираа од средното училиште

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.