Турската бања и Саат кулата реставрирани, Дојран има нова туристичка атракција за посета (фото)

2484

Двата културно историски споменици кои беа заштитен белег на Дојран а срушени во Првата светска војна – Саат кулата и Турската бања целосно се реставрирани и конзервирани а меѓусебно поврзани со пешачки патеки од калдрма во должина од околу 600 метри. Станува збор за два објекти кои значително треба да ја збогатат туристичката понуда а нивната реставрација се реализираше преку проектот  преку проектот ,,Оживување на безвремемските симболи на Дојран и Невестино’’ од програмата за прекугранична соработка со соседна Бугарија финансиран од ЕУ.

Двата објекта се вратени во првобитната состојба како што биле пред Првата светска војна. Прво се изгради Саат кулата со часовник а се уреди и осветли  локалитетот околу неа. Првиот човек на Дојран Агно Ангов објави дека завршена е и Турската бања која се конзервираше во соработка со Заводот и Музеј Струмица

,, После долги години, извршена е конзервација на ,,Турската бања” (Амам) и е ставена во функција за посета, како нова туристичка атракција за посетителите и локалното население. Целиот проект се реализираше со средства обезбедени од ИПА прегуранична соработка со Р.Бугарија, проект кој беше во пакет со реконструкција на “Саат кулата” и пристапните патеки до истите,, објави градоначалникот Анго Ангов кој соопшти дека сите заинтересирани кои сакаат да ги посетат може да се обратат во општината.

Тој за Дрнка.Мк изјави дека од јануари се планира да бидат ангажирани лица чија задача ќе им биде, грижа и презентација на овие објекти заедно со поставките во природно научниот Музејот каде има изложено експонати и фотографии од Дојран низ историјата и биодиверзитетот во Дојранското езеро

,, Сат кулата и Турската бања пленат со својата градба и имаат огромна историја. Објектите се поврзани и со патеки од калдрма. Нашата замисла е да ги понудиме во пакет за посета за организирани групи вклучувајки ја тука и фронтовата линија над Дојран од Првата светска војна,, ни изјави градоначалникот Ангов кој потенцираше дека збогатувањето на туристичката понуда и туристичките содржини е еден од врвните приоритети на општина Дојран

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.