Радовишката полиција синока на патот од брана Манотово кон крстосницата за Неготино приведе три лица од Конче, Бучим и Кочани за кои се сомнева дека вршеле организиран превоз на мигранти. Како што стои во информацијата од МВР одземени се и две возила кои ќе бидат предмет на истрага. Од полицијата најавуваат и кривични пријави кон лицата за сторено кривично дело,,кримучарење мигранти”
,,На 04.03.2022 околу 20 часот на регионален пат од брана Мантово кон крстосница за Неготино, поточно во близина на место викано „20-ти километар“ полициски службеници од Полициската станица Радовиш ги лишиле од слобода Е.Г. (33) од село Бучим, радовишко, О.Х. (34) од Кочани и Б.Ј. (38) од Конче, поради сомнение дека организирале превоз на мигранти од Сирија и други земји. Лицата биле однесени во Полициската станица Радовиш, а возилата „фолксваген туарег“ со радовишки регистерски ознаки, сопственост на Е.Г. и „форд мондео“ со кочански регистерски ознаки, сопственост на О.Х. биле одземени. Во текот на денот ќе биде поднесена кривична пријава поради постоење на сомнение дека сториле кривично дело „криумчарење мигранти“ по чл. 418-б од КЗ,,стои во информацијата на МВР
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
