Триесет затвореници во Струмица ќе се обучуваат за мајстори за бетонски елементи и ќе чекаат условно отпуштање

1194

Триесетина осудени лица од струмичкиот затвор во три групи на обуки ќе стекнуваат вештини и знаења, за да можат казната затвор да ја заменат со условен отпуст но и  да се вклучат на пазарот на трудот. Затворениците во Струмица ќе учат изработка на елементи од бетон и ќе добијат сертификати за стекнати знаења. Тие што ќе ја поминат обуката а казната затвор ја имат одлежено најмалку половина ќе можат да се надеваат на условно отпуштање од затворот.

,, Се планираат три обуки од по 10 затвореника. По секоја обука тие ќе добијат сертификати за стекнати знаења и на крај со бизнис заедницата ќе им бидат обезбедни работни места и во соработка со судот и обвинтиелството за одредени лица за кои ќе се обезбедат сигурни работни места и да излезат порано од затвор односно да се случи промена на затворската казна која е при крај со замена на условен отпуст’’,кажа Ване Цветанов од ,,Зелена Лупа’

На иницијатива на здружението ,,Зелена лупа’’ а со подршка на швајцарската ,,Цивика мобитас’’ во Струмица се формираше локално координативно тело во кое ќе членуваат преставници од судот, Јавното обвинителство, МВР, Центарот за социјални работи, Агенцијата за вработување и од струмичкиот затвор кои ќе имат за цел да ги следат мерките на практичната примена на Законот.

,, Посакувам алтернативните мерки кои се дел од овој проект, а  се во функција на ресоцијализација на затворениците, да го подмрднат од „мртва точка“ постоечкиот закон за пробација, но и да дадат резултaти кои ќе бидат од општо добро, како за заедницата, така и за општеството во целост”, рече градоначалникот Јаневски.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.