Струмичките основци секојдневно за ужина ќе добиваат јаболко за стекнување здрави навики во исхраната

377

Почна реализацијата на проектот ,,Јаболко за секое дете за здрави навики” во струмичките основни училишта, кој што го имплементира општина Струмица. Околу 5 000 ученици од прво до деветто одделение во градот и населените места ќе добиваат секојдневно по едно јаболко. Јаболката во хартиена ќеса до сите школи, ќе ја дистрибуира фирмата ,,Живе Комерц” од Просениково кој по објавениот тендер, го доби договорот за организирана исхрана на учениците од основните училишта со јаболко, за што општината за ова учебна година ќе плати 2 милиони денари

,,Се работи за една ужинка, овошје, која треба да иницира промени во начинот на исхрана на нашите најмлади сограѓани, на нашите деца.Мислам дека овој проект содржи многу потенцијал и се надевам дека најправилно ќе биде разбран од родителите, педагозите и наставниците и дека ќе придонесе децата заеднички да се стимулираат да ги променат своите навики, поздраво да се хранат, а со тоа обезбедуваме поздрав развој на нашите деца, ги потсетуваме на навика која што би требало да трае цел живот и која кај нив ќе создаде поголем потенцијал да размислуваат како би требало да се хранат во животот,, рече градоначалникот Коста Јаневски

фото – ФБ Коста Јаневски

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.