Струмичка фирма го доби тендерот за изведба на фотоволтаици на јавни објeкти во Радовиш за 305 илјади евра

3631

Струмичката фирма „Контрол Хардвер“ го доби тендерот за изведба на фотоволтаичен систем за производство на електрична енергија во ОУ “Крсте Петков Мисирков” и спортската сала СРЦ “25-ти Мај” во општина Радовиш. Ова фирма достави најниска цена за реализација на работите според техничката спецификација по распишаната јавна набавка од Центарот за развој на Југоисточниот плански регион на која учествуваа шест фирми.  Контрол Хардвер од Струмица целиот систем ќе го изведе за 18,8 милиони денари или за околу 305 илјади евра со вклучен ДДВ.

Според потпишаниот договор мегу Центарот за развој на Југоисточниот плански регион и фирмата „Контрол Хардвер“ треба да бидат поставени 536 соларни монокристални фотоволтаични модули 545Wp на СРЦ „25-ти Мај“ и тоа на југ, исток и запад од објектот, додека на ОУ ,, Крсте Мисирков“ 252 идентични модули и тоа на училишната зграда но и на сала 1 и 2. Работите треба да бидат изведени во рок од половина година а плаќањето ќе се изврши во три транши.

Како што соопштија на прес конференцијата во јануари фотонапонските централи ќе бидат со капацитет од 430 киловати инсталирана моќност, од кои бенефит ќе имат и општините Конче и Василево. Проектот  го реализира Центарот за развој на Југоисточниот плански регион со пари од Швајцарската амбасада но и од Министерството за локална самоуправа . Според потпишаниот договор 50 одсто од производената струја ќе биде за општина Радовиш а останатиот дел ќе го делат останатите две општини – Василево и Конче.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.