Струмичката полиција почна со фотографирање на непрописно паркирани возила, казните ќе стасуваат на домашна адреса

1770

Граѓаните да не очекуваат полиција на лице место да ги казнува за непрописно паркирани возила оти струмичката полиција  почна со нов метод – фотографирање како доказ дека се паркирал на места каде е забрането. Вака истакна началникот на СВР Струмица Томе Весев кој подвлече дека ќе бидат засилени контролите на возила кои се паркирале на места на кои е забрането на повеќе улици во градот бидејки веќе се детектирани позиции каде учесниците на сообраќајот воопшто не ги почитуваат сообраќајните правила и прописи во однсо на паркирањето.

,,Имаме нов метод на работа каде што секое непрописно паркирање ке биде фотографирано со фотоапарат како доказ и граѓаните треба да знаат дека нема потреба да очекувааат полицаец  да им дојде и да побара документи  туку да знаат дека секое непрописно паркирање во било кое време или било кое место ќе биде санкционирано. Најкритични се улиците околу пазарот Чешел во пазарни денови но и други улици кои се детектирани како критични,, кажа началникот на СВР Струмциа Томе Весев кој подвлече дека дел од стамбените единици имаат паркинг места но возилата ги паркираат на улица.

Според Весев во изминатите месеци преку Отсекот за превенција контуинирано упатувале апели до учесниците во сообраќајот да паркираат на места кои се пропишани за таа намена, но свеста кај возачите и понатаму е на ниско ниво. Во последно време повторно се забележува паркирање на места со цел возачите што побрзо да завршат работа при што го кочат сообраќајот, узурпираат тротоари, места за инвалидизирани лица и пешачки премини.

Струмичани последниов перио постојано реагираат на непрописно паркирани возила. Освен за улиците околу пазарот Чешел  како критични ги споменуваат и улиците Невена Стојкова, Братство Единство, Младинска, Јане Сандански, Ванчо Китанов, Васил Сурчев но и други. И тие бараат возилата да се паркираат на местата обележани за паркинг или во дворовите. На овие позиции дел од возилата се паркирани и на тротоари или пак пешачки премини

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.