,,Струмица опен’’ годинава од 9 јуни до 18 август – се најавуваат над 30 настани

258

Струмица ОПЕН фестивалот што го организра здружението ,,Културно забавен живот’’ од Струмица а го финансира општина Струмица, министерството за култура и повеќе компании од земјава годинава ќе стартува на 9 и ќе трае до 18 август.  На десет неделната програма, организаторите најавуваат повеќе од 30 настани со кои ќе се збогати понудата од култрно забавен и спортски живот во општината за време на летниот период кои ќе бидат бесплатни и на отворени локации во Струмица и околината.

„Осмото издание на Струмица ОПЕН фестивал ќе понуди над 30 настани распоредени во три месеци. Новитет за годинава е поголемиот акцент на спортско-рекреативните активности во соработка со локалните спортски клубови. Дел од настаните ќе имаат натпреварувачки карактер, а дел остануваат како повеќегодишна традиција за нашиот фестивал“, информираа од здружението „Културен забавен живот“ за порталот СтрумицаНет за кои истакнуваат дека музичката програма ќе опфати класична, џез, рок, поп, хип-хоп и електронска музика со околу 30 домашни и странски музички ѕвезди за сите вкусови.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.