Струмица, градот што треба да биде откриен – Култ Транзен ја промовираше платформата кои локации треба да се посетат

2766

Здружението за култура и развој на креативни индустрии ,,Култ Транзен” од Струмица ги промовираше резултатите од  проектот  ,,Струмица како културно-историска туристичка дестинација” што го реализираше со средства од ЕУ и општина Струмица преку регионалната програма за локална демократија во Западен Балкан.  За резултатите и очекувањата од овој проект зборуваа Јасмина Пијанманова од здружението Култ Транзен, градоначалникот на Струмица Коста Јаневски и преставникот од УНДП Билјана Ѓоргиевска. Сите тие истакнаа дека Струмица има потенцијал за развој на културниот туризам и дека проектот нека биде основа за поголема промоција на културно историските споменици и археолошки локалитети од ова општина како на домашниот така и на странскиот пазар.

Во рамките на овој проект се изработи туристички водич насловен како ,,Струмица, градот што треба да биде откриен” но и веб платформа www.discoverstrumicacity.mk на македонски и англиски во кој може да се најдат кои се културно историски споменици треба да се посетат во Струмица за што се креирани и две туристички патеки.

Првата патека е насловена како „На патот кон духовната традиција – 1000 години Струмичка епископија“ со одбележување на средновековни цркви и археолошки сакрални објекти од среден век на територијата на општина Струмица додека другата патека ги опфаќа архолошките локалитети  и е насловена како „7000 години цивилизација од праисториска населба до средновековно утврдување“

Токму на овие две патеки поставени се 11 информативните табли со историски податоци, датирање и фотографии за локалитетите Св.40 Севастиски Маченици и Римска Терма во Бања Банско, Св.15 Тивериополски Маченици, Орта Џамија, Мачук  во Струмица, Св.Богородица Елеуса во Вељуса,  Комплексот  Св.Леонтиј во Водоча, Цареви Кули над градот Струмица, Турска Кула и локалитетот средновековна црква во Струмица.

Активностите што ги реализираше Култ Транзен беа во рамките на прокетот ,, Струмица како културно-историска туристичка дестинација’’ кој се спроведе во рамките на регионалната програма за локална демократија во Западен Блкана финансиран од ЕУ а се имплементираше од УНДП. Целиот проект чини околу еден милион денари кој го помогна и општина Струмица преку кој гледа можност за развој и на културниот туризам во ова општина.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.