Либерото на ОК Струмица Жени Стефани Станковска заминува од клубот. Завчера против Виктори Волеј го одигра последниот првенствен меч за дебитантот, кој сигурно чекори кон полуфиналето од Купот но и во Плеј офф завршницата од македонскиот одбојкарски шампионат во женска конкуренција. Како што ни изјави Станковска ова недела заминува во Германија на времена работа ова година каде ќе ја побара среќата и во одбојкарските води но претходно ќе го одигра утрешниот реванш четвртфинален меч со штипјанки во салата Парк каде се фаворитки.
,,Заминувам поради работа во Германија. Се надевам дека ќе се најдам и во некој клуб таму, не само како играч туку и како тренер. За ОК Струмица Жени може да кажам само дека ги поминав најубавите шест месеци во мојата одбојкарска кариера, посебно поради целата таа позитивна енергија кој што владее во клубот и благодарна сум за сите убави моменти таму,, вели Станковска
Таа се најде во стартниот состав на ,,Струмица Жени’’ откако последната натпреварувачка сезона со Елена Пандева беа одбојкарки во Работнички Скопје. Потекнува од школата на Македонија Макс но за време на студиите се сели во Скопје каде игра за тамошните клубови. Смета дека Струмица Жени има потенцијал да игра полуфинале и од Купот и од првнеството а ако има среќа и за титула.
,,За ова сезона како дебитанти, иако никој не очекуваше дека ќе стигнеме тука кај што сме моментално, можам да кажам дека очекувам уште повеќе изненадувања и во најмала рака да играме односно играат во полуфиналето од КУП натпреварите кои се на дофат и во првенството и да им покажеме на сите дека вредиме повеќе од колку што мислат,, кажа за Дрнка.МК Стефани Станковска
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
