Средношколци од Никола Карев донираа мебел во струмичката болница кои го изработувале на практичната настава (ФОТО)

1578

Средношколци од “Никола Карев“ Струмица кои се школуваат на дрвено преработувачката струка – профил техничар за мебел и ентериер, денес во ЈЗУ Општа Болница донираа дел од своите производи кои ги изработуваат за време на практичната настава заедно со своите професори ментори. Станува збор за десетина производи кои може да бидат во функција на медицинскиот персонал но и пациентите кои доаѓаат во ова здравствена установа.

Станува збор за ученици кои освен теоретска имаат и практична настава каде ги учат вештните за изработка на мебел односно основни дрвени елементи кои имаат широка употреба. Тие денеска заедно со директорот на училиштето Драго Јанков денеска во болницата доставија клуб маси, табуретки и висечки шкафчиња. Како што најавија во тек е и изработка на други производи кои ќе бидат наменети исто така за потребите на ЈЗУ Општа Болница Струмица.

Инаку учениците од дрвено преработувачка струка оваа година изработија шкафови и маси за потребите на средното училиште но и клупи за одмор во училишниот двор. Ова не е првпат ученици од СОУ Никола Карев да донираат во ЈЗУ Општа Болница Струмица. За време на пандемијата тие донираа постелнина изработени на часовите по практична настава за потребите на детската амбуланта и одделение

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.