Со грант од 100 илјади долари од САД ќе се реставрира манастирот во струмичко Велјуса кој сведочи за архитектурата и уметноста од 11 век

Со средства од Амбасадорскиот фонд за културна заштита на САД ќе се реставрира и конзервира манастирот „Пресвета Богородица Елеуса“ во струмичко Велјуса од 11 век, кој е единствената градба во земјава што ја презентира византиската сакрална аритектура. Амбасадорката на САД Кејт Мари Брнз и министерот за култура Хусни Исмаили го потпишаа договорот за грантот од 100 илјади долари, со кој во наредните две години ќе се реставрира надворешниот изглед на овој манастир но и фреските, иконите и мозаиците кои потекнуваат од пред илјада години.

„Овој инзвореден споменик е потврда за богатата и трајна историја на вашата земја. Овде поминале илјадиници посетители кои искажале восхит и биле трогнати од овие цртежи. Верници, свештеници, аџии, кралски семејства, туристи и обични граѓани овде нашле утеха и инспирација во овие уметнички дела. Задоволство ми е што знам дека американските граѓани ќе помогнат и ќе имаат улога во зачувувањето на овие културни богатства’’, рече амбасадорката Брнз.

Таа заедно со викарниот епископт при струмичката епархија Јаков го разгледаа манастирот, чиј ентериер преставува крстообразна куполна градба од стеснет тип на цркви. Амбасадорката беше восхитена од автентичноста на остатоците од фреските и мозаиците.

„Беше насушна потребата за интервенција на овој споменик на културата, кој е архитетонско чудо во светски рамки и сведочи за архитектурата и уметноста која се негувала во 11 век и е единствен од ваков тип во нашата земја“, рече епископот Јаков.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.