Скопско ,,ауди” со девет мигранти од Сирија излетало кај ,,Валандовско брдо”, возачот избегал

456

Ауди во кое се превезувале мигранти излетало од патот, по што еден мигрант се здобил со повреди, а возачот го напуштил местото на несреќата. Инцидентот се случи на патот Валандово Струмица на почетокто од тн делница ,,Валандовско брдо” а интервенирале и пожарникари.

,,На 28.01.2022 во 06.05 часот во Полициската станица Валандово било пријавено дека на регионален пат Р 1401 Валандово-Струмица патничко моторно возило „ауди“, со скопски регистерски ознаки, излетало надвор од коловозот, а во него се превезувале 9 лица – мигранти од Сирија. Еден од мигрантите се здобил со телесни  повреди, констатирани во Медицински центар Гевгелија, а увид извршила екипа на Полициска станица Валандово,, информираа од МВР

Мигрантите се пренесени во Прифатен центар „Винојуг“ Гевгелија, а СВР Струмица презема мерки за пронаоѓање на возачот на возилото, кој го напуштил местото на настанот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.