Градоначалникот Коста Јаневски најави дека утре (02.09.2020 година) со почеток во 14 часот во просториите на домот на АРМ, ќе се одржи јавна презентација на Деталниот урбанистички план и ги покани жителите на населбата Софилар да присуствуваат на оваа презентација, да ги кажат своите забелешки за да може да се вметнат во конечната верзија на овој план.
-Уште на почетокот од мојот мандат дадов збор дека ќе го решиме проблемот на жителите од населбата Софилар и во изминатиот период со општинската администрација упорно работевме на реализација на дадениот збор. Знам дека помина доста време и граѓаните беа нестрпливи и многу често реагираа, но мора да признаеме дека овој долгогодишен проблем не беше лесен за решавање, бидејќи беше неопходна и нивната поддршка,, рече градоначалникот на Струмица Јаневски
Во декември 2017 се одржа средба со жителите од ова населба на којашто беше договорено да се забрза процесот со урбанизацијата односно да се лагализираат бесправно изградените објекти. Според Јаневски легализацијата на бесправно изградените објекти е веќе завршена и била направена нова ажурирана подлога со снимање на сите изградени објекти штобило важен услов за донесување на Деталниот урбанистички план за блоковите 39 и 40.
,,Со задоволство сакам да најавам дека утре со почеток во 14 часот во просториите на домот на АРМ, ќе се одржи јавна презентација на Деталниот урбанистички план и ги поканувам жителите на населбата Софилар да присуствуваат на оваа презентација, да ги кажат своите забелешки за да може да се вметнат во конечната верзија на овој план. Сакам да нагласам дека донесувањето на Деталниот урбанистички план, беше единствен услов за изградба на целокупната инфраструктура којашто ќе обезбеди подобри услови за живот.Со изработка на алатката Урбана Ревизија во која се одредени реалните потреби на граѓаните по населени места, каде како „приградска населба“ се одделуваше токму населбата Софилар, општина Струмица аплицираше и обезбеди грант од Светска банка за реализација на планираните проекти за оваа населба,, рече градоначалникот Јаневски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
