Ракометарите на Радовиш остануваат во Супер лигата откако во бараж мечот го декласираа прволигашот Шампион со 37:26. Ова значи дека радовишани и следната сезона ќе играат во македонската ракометна елита. Тимот на РК Радовиш со доаѓањето на Андон Бошковски целосно се препороди и по почетните порази успеа да слави само победи со што ја продолжи традицијата во Радовиш да се игра суперлигашки ракомет
Тие плеј аут лигата ја завршија како трети со биланс 9 победи едно реми и 4 пораза, доволно за бараж каде беа подобри од ракометарите на Шампион. Инаку радовишани лошо ја почнаа лигата па управата на клубот по почетните пораза мораше да реагира поставувајки го Бошковски како стратег. Со неговото доаѓање РК Радовиш се препороди и ја исполни целта
Другите два суперлигаши од Југоистокот РК Астраион од Струмица и РК Младост од Богданци од следната сезона се селат во Прва ракометна лига.
Во Суперлигата следната сезона ќе играат: Вардар, Еурофарм Пелистер, Металург, Бутел Скопје, Еурофарм Пелистер 2, Охрид, Струга, Скопје, Тиквеш, Прилеп, Радовиш и Пролет.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
